வாய்வு தொல்லையை அடித்து விரட்டும் பூண்டு ரொட்டி!

 பூண்டு ரொட்டி மிகவும் ஆரோக்கியமானது.

வாய்வு தொல்லையால் அவதிப்படுபவர்களுக்கு இந்த சப்பாத்தி மிகவும் நல்லது.

கீழே பூண்டு ரொட்டியின் எளிய செய்முறை கொடுக்கப்பட்டுள்ளது. 

தேவையான பொருட்கள்

1. கோதுமை மாவு - 2 கப் 
2. பூண்டு பல் - 1/4 கப் 
   
3. எண்ணெய் - 2 டீஸ்பூன் 
4. எள்ளு - 2 டீஸ்பூன்
5. உப்பு - சுவைக்கேற்ப 
   
6. தண்ணீர் - தேவையான அளவு
7. எண்ணெய்/நெய்/வெண்ணெய் - டோஸ்ட் செய்ய தேவையான அளவு

செய்முறை

முதலில் பூண்டு பற்களை மிகவும் பொடியாக நறுக்கிக் கொள்ள வேண்டும்.

பின் ஒரு பாத்திரத்தில் கோதுமை மாவு, சுவைக்கேற்ப உப்பு, நறுக்கிய பூண்டு, எண்ணெய் சேர்த்து கையால் பிசைய வேண்டும். 

பின்பு மெதுவாக நீரை ஊற்றி சப்பாத்தி மாவு பதத்திற்கு நன்கு மென்மையாக பிசைந்து கொண்டு, 10 நிமிடம் ஊற வைத்துக் கொள்ள வேண்டும். 

பிறகு பிசைந்த மாவை எலுமிச்சை அளவு உருண்டைகளாக உருட்டிக் கொள்ள வேண்டும்.

அடுத்து சப்பாத்தி கட்டையில் ஒரு உருண்டையை வைத்து லேசாக தேய்த்துக் கொள்ள வேண்டும். பின் அதன் மேல் எள்ளு விதைகள் மற்றும் பொடியாக நறுக்கிய பூண்டை தூவி, மீண்டும் தட்டையாக தேய்ய வேண்டும். இதேப் போல் அனைத்து மாவையும் தேய்த்தக் கொள்ள வேண்டும். 

பின்னர் தோசை கல்லை அடுப்பில் வைத்து சூடானதும், தேய்த்த ரொட்டிகளை ஒவ்வொன்றாக போட்டு, எண்ணெய்/நெய் சேர்த்து முன்னும் பின்னும் வேக வைத்து எடுத்தால், பூண்டு ரொட்டி தயார். 

ALSO READ : சத்தான ஸ்நாக்ஸ் ராகி பக்கோடா ....