கடையில் வாங்க வேண்டாம்... வீட்டிலேயே செய்யலாம் .....

 ஆலு புஜியாவை வீட்டிலேயே எளிய முறையில் செய்யலாம். குழந்தைகளுக்கு பிடித்தான அருமையான ஸ்நாக்ஸ் இது.

தேவையான பொருட்கள்

 உருளைக்கிழங்கு - அரை கிலோ

 புதினா - ஒரு கைப்பிடி 

ப.மிளகாய் - 1 

கடலை மாவு - 1 கப்

 மிளகாய்தூள் - சுவைக்கேற்ப,

 சாட் மசாலா - சுவைக்கேற்ப, 

சீரக தூள் - சுவைக்கேற்ப 

பெருங்காயம் - ஒரு சிட்டிகை

 உப்பு - சுவைக்கேற்ப

 செய்முறை:

 • உருளைக்கிழங்கை வேகவைத்து தோல் நீக்கி மசித்து வைத்து கொள்ளவும்

 • மிக்சியில் புதினா, பச்சை மிளகாய் சேர்த்து நன்கு மசிய அரைத்து கொள்ளவும்

 • ஒரு பாத்திரத்தில் மசித்த உருளைக்கிழங்கு, கடலை மாவு, அரைத்த புதினா விழுது, மற்றும் சுவைக்கேற்ப உப்பு, மிளகாய்தூள், சாட் மசாலா, சீரக தூள் மற்றும் சிறிது பெருங்காயம் சேர்த்து, தேவைக்கேற்ப தண்ணீர் சேர்த்து சப்பாத்தி மாவு பதத்திற்கு பிசைந்து கொள்ளவும் .

 • கலந்த உருளைக்கிழங்கு கலவையை சேவை அச்சில் போட்டு வைக்கவும்.

 • கடாயை அடுப்பில் வைத்து பொரிப்பதற்கு தேவையான எண்ணெய் ஊற்றி சூடானதும் சேவை அச்சில் உள்ள கலவையை பிழிந்து மிதமான சூட்டில் பொரித்து எடுக்கவும்.

 • பொரித்த சேவையை ஒரு தட்டில் போட்டு சிறிது சிறிதாக உடைத்து, சிறிது அளவு சாட் மசாலாவை சேர்த்து நன்கு கிளறி காற்று போகாத டப்பாவில் போட்டு வைத்து 10 நாட்கள் வரை பயன்படுத்தலாம்.

 • இப்போது ஆலு புஜியா ரெடி.

ALSO READ : தினை - தேங்காய்ப்பால் புலாவ் .......